ಟ್ವಿಟರ್ನಲ್ಲಿ ಲಲಿತ್ ಮೋದಿ ಎಬ್ಬಸಿದ ಬಂಡಾಯ, ಶಶಿ ತರೂರ್ ಮನಿಸ್ಟ್ರಿಯ ಕೊರಳಿಗೆ ಸುತ್ತಿಕೊಳ್ಳತೊಡಗಿದಾಗ ಇದನ್ನು ಬಹುತೇಕರು storm in the tea cup ಎಂತಲೇ ಭಾವಿಸಿದ್ದರು. ಆದರೆ ದಿನಗಳುರುಳಿದಂತೆ ಈ ವಿಷಯ ತನ್ನದೇ ಆದಂತಹ momentum ಅನ್ನು ಪಡೆದುಕೊಳ್ಳುತ್ತಾ ಸಾಗಿ ನಿಜವಾದ ಬಿರುಗಾಳಿಯನ್ನೇ ಎಬ್ಬಿಸಿಬಿಟ್ಟಿದೆ. ಈ ಬಿರುಗಾಳಿಗೆ ಮೊದಲ ಬಲಿ ವಿದೇಶಾಂಗ ಖಾತೆಯ ರಾಜ್ಯ ಸಚಿವ ಶಶಿ ತರೂರ್. ಕಡೆಗೂ ಶಶಿ ತರೂರ್ ತಲೆದಂಡವಾಗಿದೆ. ಅದು ಅನಿವಾರ್ಯ ಎಂಬಂತಹ ಪರಿಸ್ಥಿತಿ ನಿರ್ಮಾಣವಾಗಿತ್ತು ಬಿಡಿ. ಕಡೆಯ ಪ್ರಯತ್ನೆವೆಂಬಂತೆ ಶಶಿ ತರೂರ್ನ ಮನದನ್ನೆ ಸುನಂದಾ ಪುಷ್ಕರ್ ತನಗೆ ದೊರೆತ ಸ್ವೆಟ್ ಈಕ್ವಿಟಿಯನ್ನು ವಾಪಸು ನೀಡಿ, ನೋಡಿ ತಮ್ಮದೇನೂ ಇಲ್ಲ, ಲಂಚವಾಗಿದ್ದರೆ ವಾಪಸು ನೀಡುತ್ತಿದ್ದವೇ ಎಂದು ಪ್ರಶ್ನಿಸುವಂತೆ ನಿಂತರು. ಇದರಲ್ಲೂ ಶಶಿ ತರೂರ್ನ ರಾಜಕೀಯ ಮೌಢ್ಯತೆ ಎದ್ದು ತೋರುತ್ತಿತ್ತು. ಸುನಂದಾ ತನ್ನ ಸ್ವೆಟ್ ಈಕ್ವಿಟಿಯನ್ನು ವಾಪಸ್ಸು ನೀಡಿದ್ದು ಸುನಂದಾ ಶಶಿಯ ಅಣತಿಯಂತೆ ನಡೆದುಕೊಳ್ಳುತ್ತಿದ್ದಾಳೆ ಎಂಬುದನ್ನು ಜಗಜ್ಜಾಹೀರುಗೊಳಿಸಿಬಿಟ್ಟಿತು. ಅಲ್ಲಿಗೆ ಶಶಿ ತರೂರ್ನ ಡಿಫೆನಸ್ಸಿಗೆ ಬೆಲೆಯಿಲ್ಲದಂತಾಯಿತು. ಸರ್ಕಾರಕ್ಕೆ  ಮತ್ತಷ್ಟು ಮುಜುಗರ ತಪ್ಪಿಸಲು ಪ್ರಧಾನಿ ಮನಮೋಹನ ಸಿಂಗರು ಶಶಿ ತರೂರ್ ಅವರ ರಾಜೀನಾಮೆ ಪಡೆದುಕೊಂಡರು.

ಎಲ್ಲರೂ ಇದು ಇಲ್ಲಿಗೆ ಮುಗಿಯುತ್ತದೆ ಎಂದುಕೊಂಡಿದ್ದರು, ಲಲಿತ್ ಮೋದಿಯೂ ಸೇರಿ. ಆದರೆ ಒಬ್ಬ ಕಾಂಗ್ರೆಸ್ ಸಚಿವನ ರಾಜೀನಾಮೆಗೆ ಕಾರಣವಾದ ಇಶ್ಯೂವನ್ನು ಕಾಂಗ್ರೆಸ್ ಅಷ್ಟು ಸುಲಭವಾಗಿ ಬಿಟ್ಟುಕೊಡುತ್ತದೆಯೇ, ಅದೂ ಅದರಲ್ಲಿ ಬಿಜೆಪಿ ಮತ್ತು ಎನ್ಸಿಪಿ ಪಕ್ಷಗಳ ರಾಜಕೀಯ ದಾಳಗಳಾಗಿರುವಾಗ? ಸಾಧ್ಯವೇ ಇಲ್ಲ. ಅದರಲ್ಲೂ ಗಾಜಿನ ಮನೆಯಲ್ಲಿ ನಿಂತು ಕಲ್ಲು ಹೊಡೆಯುತ್ತಿರುವ, ಬಿಜೆಪಿ ಮತ್ತು ಎನ್ಸಿಪಿಯ ಪರವಾಗಿ ಕಾಂಗ್ರೆಸ್ ಅನ್ನು ಮುಜುಗರಕ್ಕೀಡು ಮಾಡುತ್ತಿರುವ ಲಲಿತ್ ಮೋದಿಯನ್ನು ಬಿಡುವುದುಂಟೆ? ಐಪಿಎಲ್ ಕೊಚ್ಚಿ ತಂಡದ ಮೂಲಗಳ ಬಗ್ಗೆ ಮೋದಿ ಎತ್ತಿದ ಪ್ರಶ್ನೆಗಳು ಈಗ ಇಡಿಯ ಐಪಿಎಲ್ನ ಕೊರಳಿಗೆ ಬಂದು ಸುತ್ತುವರೆದಿದೆ. ಐಪಿಎಲ್ನಲ್ಲಿ ಸದ್ಯಕ್ಕಂತೂ ಯಾವ ತಂಡವೂ ದುಡ್ಡು ಮಾಡುತ್ತಿಲ್ಲ, ಆದರೂ ಅದು ಹೇಗೆ ಇಷ್ಟು ಅಗಾಧ ಪ್ರಮಾಣದ ದುಡ್ಡು ಹರಿದು ಬರುತ್ತಿದೆ? ಈ ಐಪಿಎಲ್ ತಂಡಗಳ ನಿಜವಾದ ಒಡೆಯರಾರು? ಅವರ ಆದಾಯ ಮೂಲಗಳೇನು? ಇದರಲ್ಲಿ ಭೂಗತ ಜಗತ್ತಿನ ಪಾತ್ರವೇನು? ಇದರಲ್ಲಿ ಹವಾಲಾ ದುಡ್ಡಿದೆಯಾ? ಬೆಟ್ಟಿಂಗ್, ಮ್ಯಾಚ್ ಫಿಕ್ಸಿಂಗ್ನ ಆರೋಪಗಳು ಎಷ್ಟು ನಿಜ? ಇಂಥ ಹಲವಾರು ಪ್ರಶ್ನೆಗಳೆದ್ದಿವೆ ಈಗ. ಇಡಿಯ ಐಪಿಎಲ್ ಅನ್ನು ತನ್ನ ಫೀಫ್ಡಂ ಏನೋ ಎಂಬಂತೆ ನಡೆಸುತ್ತಿರುವ ಲಲಿತ್ ಮೋದಿ ಈ ಎಲ್ಲ ಪ್ರಶ್ನೆಗಳಿಗೂ ಉತ್ತರವಾಗಬಲ್ಲ!  ಈ ಎಲ್ಲ ಆರೋಪಗಳೂ ಆತನ ಮೇಲೂ ಇವೆ.

ಕಾಂಗ್ರೆಸ್ ಸಚಿವನೊಬ್ಬನ ತಲೆದಂಡ ಪಡೆದ ಲಲಿತ್ ಮೋದಿಯ ತಲೆದಂಡವೂ ಆಗಲೇಬೇಕು. ಸದ್ಯ ಅದು ಕಾಂಗ್ರೆಸ್ನ ಸಿಂಗಲ್ ಪಾಯಿಂಟ್ ಅಜೆಂಡಾ ಇದ್ದ ಹಾಗಿದೆ. ಹಿಂದಿನ ವರ್ಷ ಗೃಹ ಮಂತ್ರಿ ಚಿದಂಬರಂ ಅವರನ್ನು ಎದುರು ಹಾಕಿಕೊಂಡ ಲಲಿತ್ ಮೋದಿ, ಸರ್ಕಾರವನ್ನೇ ಕೇರ್ ಮಾಡದೇ ಐಪಿಎಲ್ ಅನ್ನು ದಕ್ಷಿಣಾಫ್ರಿಕಾಗೆ ಸ್ಥಳಾಂತರಿಸಿದಾಗಲೇ ಸರ್ಕಾರದ ಐಟಿ ಮತ್ತು ಇಡಿ ಖಾತೆಗಳು ಲಲಿತ್ ಮೋದಿಯ ಬೆನ್ನ ಹಿಂದೆ ಬಿದ್ದು, ಆತನ ಕರಾಳ ಸಾಮ್ರಾಜ್ಯದ ಒಂದು ವರದಿಯನ್ನು ತಯಾರು ಮಾಡಿಟ್ಟಿದೆ. ಆದರೆ ಅದರ ಮೇಲೆ ಈವರೆಗೂ ಯಾವುದೇ ಕ್ರಮ ಕೈಗೊಂಡಿರಲಿಲ್ಲ. ಆದರೆ ಇಂಥ ಗಾಜಿನ ಮನೆಯಲ್ಲಿ ನಿಂತು ಕಲ್ಲೆಸೆದು ಕಾಂಗ್ರೆಸ್ಗೆ ಮುಜುಗರ ಮಾಡಿದ್ದಕ್ಕಾಗಿ ಸರ್ಕಾರ ಈ ವರದಿಯನ್ನು ಕೋಲ್ಡ್ ಸ್ಟೋರೇಜ್ನಿಂದ ಹೊರತೆಗೆದಿದೆ! ಮೋದಿ ತರೂರ್ ಪ್ರಕರಣದಲ್ಲಿ ತಾನೇನೋ ವಿಷಲ್ ಬ್ಲೋವರ್ ಎಂಬಂತೆ ಪೋಸು ಕೊಟ್ಟ. ಆದರೆ ಒಬ್ಬ ವಿಷಲ್ ಬ್ಲೋವರ್ ಮೊದಲು ಎದುರಿಸಬೇಕಾದ್ದು ತನ್ನ ಸತ್ಯಾಸತ್ಯತೆಯ ಬಗೆಗಿನ ಅನುಮಾನ, ವಿಚಾರಣೆಗಳನ್ನು ಎಂಬುದು ಲಲಿತ್ ಮೋದಿಗೆ ತಿಳಿದಿರುವ ಹಾಗೆ ಕಾಣೆ! ಈಗ ಅನುಭವಿಸುತ್ತಿದ್ದಾರೆ. ಕೂಡಲೇ ಲಲಿತ್ ಮೋದಿಯ ಕಛೇರಿಯ ಮೇಲೆ ಐಟಿ ದಾಳಿ ನಡೆದಿದೆ. ಜಾರಿ ನಿರ್ದೇಶನಾಲಯ ಲಲಿತ್ ಮೋದಿಯನ್ನು ಪ್ರಶ್ನಿಸಲು ಕಾಯುತ್ತಿದ್ದಾರೆ. ಸರ್ಕಾರ ಎಲ್ಲಾ ಐಪಿಎಲ್ ತಂಡಗಳ ಬಿಡ್ಗಳು, ಫ್ರಾಂಚೈಸಿ ಪೇಪರ್ಗಳು, ಪ್ಲೇಯರ್ ಕಾಂಟೃಆಕ್ಟುಗಳು, ಹೂಡಿಕೆದಾರರ ಸಂಪೂರ್ಣ ವಿವರ, ಬಿಸಿಸಿಐನ ಬ್ಯಾಲೆನ್ಸ್ ಷೀಟು ಎಲ್ಲವನ್ನೂ ವಶಪಡಿಸಿಕೊಂಡಿದೆ. ಇನ್ನುಳಿದಂತೆ ಜಾರಿ ನಿರ್ದೇಶನಾಲಯ ಐಪಿಎಲ್ಗೆ ಹರಿದು ಬರುತ್ತಿರುವ ದುಡ್ಡಿನ ಮೂಲಗಳನ್ನು ಅರಸುತ್ತಾ ಮಾರಿಷಸ್ಗೆ ಹೊರಟು ನೀಂತಿದೆ! ಜಾರಿ ನಿರ್ದೇಶನಾಲಯ ತನಿಖೆ ಮಾಡುತ್ತಿದೆಯೆಂದರೆ ಹವಾಲಾ ಮುಖಾಂತರ ಮನಿ ಲಾಂಡ್ರಿಂಗ್ ನಡೆಯುತ್ತಿರುವ ಅನುಮಾನ ಇದೆಯೆಂತಲೇ ಅರ್ಥ!

ಇರಲಿ ಬಿಡಿ ಐಟಿ ಇಲಾಖೆಗಳು ಲಲಿತ್ ಮೋದಿಯ ಕರಾಳ ಸಾಮ್ರಾಜ್ಯದ ಬಗ್ಗೆ ತಯಾರು ಮಾಡಿರುವ ಆ ವರದಿಯಲ್ಲಿ ಇನ್ನೂ ಏನೇನಿದೆ? "ಏನೇ ಈವತ್ತು ಆತನನ್ನು ಬಿಸಿನೆಸ್ ಗುರು ಎಂದು ಕರೆದರೂ ಕಳೆದ ನಾಲ್ಕು ವರ್ಷಗಳವರೆಗೆ ಲಲಿತ್ ಮೋದಿಯದು ಎಲ್ಲ ಚಿತ್ರಾನ್ನದ ವೆಂಚರ್ಗಳೇ. ಆದರೆ ಐಪಿಎಲ್ಗೆ ಕೈಯಿಟ್ಟು ಕೂತ ಮೂರೇ ವರ್ಷಗಳಲ್ಲಿ ಆತನ ಲೈಫ್ಸ್ಟೈಲೇ ಬದಲಾಗಿ ಹೋಗಿದೆ. ಆತನ ಬಳಿ ಒಂದು ಪ್ರೈವೇಟು ಜೆಟ್ ವಿಮಾನ, ಲಕ್ಷುರಿ ಹಡಗು, ಅಸಂಖ್ಯ ಬಿಎಂಡಬ್ಲ್ಯೂ ಕಾರುಗಳು ಎಲ್ಲವೂ ಇವೆ. ಇವೆಲ್ಲವನ್ನೂ ಆತ ಕಳೆದ ಮೂರು ವರ್ಷಗಳಲ್ಲೇ ಕೊಂಡುಕೊಂಡಿದ್ದಾನೆ, ಮೂರು ವರ್ಷಗಳ ಹಿಂದೆ ಕೆಲವೇ ಕೆಲವು ಲಕ್ಷಗಳಷ್ಟು ಐಟಿ ಟ್ಯಾಕ್ಸ್ ಕಟ್ಟುತ್ತಿದ್ದ ಇದೇ ಲಲಿತ್ ಮೋದಿ ಈ ವರ್ಷ 11 ಕೋಟಿಗಳಷ್ಟು ಅಡ್ವಾನ್ಸ್ ಟ್ಯಾಕ್ಸ್ ಚೆಲ್ಲಿಸಿದ್ದಾನೆ." ಐಟಿ ವರದಿ ಶುರುವಾಗುವುದೇ ಈ ಸಾಲುಗಳಿಂದ. ಅಲ್ಲಿಗೆ ಈ ವರದಿಯ ಟೋನ್ ಎಂತಹುದು ಎಂಬುದು ನಿಮಗೆ ಅರ್ಥವಾಗಿರುತ್ತದೆ. ಇನ್ನೂ ಮುಂದುವರೆದು ಲಲಿತ್ ಮೋದಿ ಐಪಿಎಲ್ ಬೆಟ್ಟಿಂಗ್ ಮತ್ತು ಮ್ಯಾಚ್ ಫಿಕ್ಸಿಂಗ್ನಲ್ಲಿ ತೊಡಗಿರುವ ಕುರಿತು ಅನುಮಾನಗಳಿರುವುದಾಗಿ ಹೇಳಿಕೊಳ್ಳುತ್ತದೆ. ಬ್ರಿಟನ್ನಲ್ಲಿ ಬೆಟ್ಟಿಂಗ್ ಕಾನೂನು ಬದ್ಧ. ಅಲ್ಲಿನ ಬೆಟ್ ಫೇರ್ ಎಂಬ ಕಂಪೆನಿಯಲ್ಲಿ ಮೋದಿ ಐಪಿಎಲ್ ಬೆಟ್ಟಿಂಗ್ ರಿಂಗ್ ನಡೆಸುತ್ತಿದ್ದಾರೆ ಎಂದಿದೆ ವರದಿ. ಸಮೀರ್ ತುಕ್ರಾಲ್ ಎಂಬ ಡೆಲ್ಲಿ ಮೂಲದ ಉದ್ಯಮಿ, 30 ವರ್ಷಗಳ ಮೋದಿಯ ಖಾಸಾ ಗೆಳೆಯ ಆತನ ಪರವಾಗಿ ಬೆಟ್ ಫೇರ್ನಲ್ಲಿ ಬೆಟ್ಟಿಂಗ್ ಮಾಡುತ್ತಿರುವದಕ್ಕೆ ಆಧಾರಗಳಿವೆ. ಆದೇನಾದರೂ ನಿಜವಾದಲ್ಲಿ ಲಲಿತ್ ಮೋದಿಗಿಂತಲೂ ಐಪಿಎಲ್ ಬಗ್ಗೆ ಇನ್ಸೈಡರ್ ಇನ್ಫರ್ಮೇಷನ್ ಬಲ್ಲ ಮತ್ತೊಬ್ಬನಿರಲಾರ. ಇದೇ ಕೋವಿನಲ್ಲಿ ಆತನ ಮೇಲೆ ಮ್ಯಾಚ್ ಫಿಕ್ಸಿಂಗ್ ಆರೋಪಗಳೂ ಇವೆ. ಇದಲ್ಲದೆ ಆತನಿಗೆ ರಾಜಸ್ಥಾನ್ ರಾಯಲ್ಸ್, ಪಂಜಾಬ್ ಕಿಂಗ್ಸ್ ಇಲೆವೆನ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಗಳ ಫ್ರಾಂಚೈಸುಗಳಲ್ಲಿ ಗುಪ್ತವಾಗಿ ಬೇನಾಮಿ ಹಿಡಿತಗಳಿವೆ ಎನ್ನುತ್ತದೆ ವರದಿ. ಮೋದಿಯ ಆಪ್ತರ ಕಂಪೆನಿಗಳಲ್ಲೊಂದಾದ ಐಎಂಜಿಗೆ ಐಪಿಎಲ್ನ ಈವೆಂಟ್ ಮ್ಯಾನೇಜ್ಮೆಂಟ್ ಮತ್ತು ಟಿವಿ ರೈಟ್ಸ್ ಅನ್ನು ಬಿಕರಿ ಮಾಡಲಾಗಿದ್ದು, ಕಂಪೆನಿಗೆ ಶೇ.10ರಷ್ಟನ್ನು ಮ್ಯಾನೇಜ್ಮೆಂಟ್ ಫೀ ಎಂದು ನೀಡಲಾಗಿದೆ. ಇದೇ ಸುಮಾರು 80 ಮಿಲಿಯನ್ ಡಾಲರ್ಗಳಷ್ಟಾಗುತ್ತದೆ!

ಈ ಆರೋಪಗಳದು ಒಂದು ತೂಕವಾದರೆ ಮತ್ತೊಂದೆಡೆ ರಾಜಸ್ಥಾನದಲ್ಲೂ ಮೋದಿಗೆ ನೆಮ್ಮದಿಯಿಲ್ಲ. ಲಲಿತ್ ಮೋದಿ ರಾಜಸ್ಥಾನದ ಪದಚ್ಯುತ ಮುಖ್ಯಮಂತ್ರಿ, ಬಿಜೆಪಿಯ ವಸುಂಧರಾ ರಾಜೆ ಸಿಂಧ್ಯಾ ಅವರಿಗೆ ಪರಮಾಪ್ತರು. ಎಷ್ಟರಮಟ್ಟಿಗೆ ಎಂದರೆ ಆ ಅವಧಿಯಲ್ಲಿ ಮೋದಿಯನ್ನು ಬಹುತೇಕರು ಶಾಡೋ ಸಿಎಂ ಎಮದು ಕರೆಯುತ್ತಿದ್ದರು. ಆ ಹಯಾಮಿನಲ್ಲಿ ಆತ ಎಸ್ಇಜೆಡ್, ಇಂಡಸ್ಟ್ರಿ, ಅದೂ ಇದೂ ಅಂತ ಅನೇಕ ಭೂ ಹಗರಣಗಳನ್ನು ಮಾಡಿಕೊಂಡಿದ್ದಾನೆ. ಈಗ ಅಲ್ಲಿರುವುದು ಕಾಂಗ್ರೆಸ್ ಸಕರ್ಾರ. ಹಿರಿಯ ಅನುಭವಿ ಅಶೋಕ್ ಗೆಹ್ಲೋಟ್ ಮುಖ್ಯಮಂತ್ರಿಯಾಗಿದ್ದಾರೆ. ಅವರು ವಸುಂಧರಾ ಅವರ ಕಾಲದಲ್ಲಿ ನಡೆದಿದೆಯೆನ್ನಲಾದ ಎಲ್ಲ ಭೂ ಗಹರಣಗಳ ತನಿಖೆಗೆ ಮಾಥುರ್ ಕಮೀಷನ್ ಅನ್ನು ನೇಮಿಸಿದೆ. ಈಗ ಅದರ ವರದಿಯಲ್ಲೂ ಮೋದಿ ವಿಲನ್ ನಂ.1 ಆಗಿ ಹೊರಹೊಮ್ಮಿದ್ಧಾರೆ. ಒಟ್ಟಿನಲ್ಲಿ ಹೀಗೆ ಗಾಜಿನ ಮನೆಯಲ್ಲಿದ್ದು ಶಶಿಗೆ ಕಲ್ಲೆಸೆಯ ಹೋಗಿ, ಅದು ತಿರುಗಿ ಬಿದ್ದು ಆತನಿಗೇ ಬಡಿದ ಸ್ಥಿತಿ ಲಲಿತ್ ಮೋದಿಯದು.

ಈಗ ಲಲಿತ್ ಮೋದಿಯ ವಿಚಾರವಾಗಿ ಬಿಸಿಸಿಐನಲ್ಲಿ ರಾಜಕೀಯ ಗರಿಗೆದರಿದೆ. ತಾನು ಐಪಿಎಲ್ನ ಹರಿಕಾರ, ಬಿಸಿಸಿಐ ದುಡ್ಡು ನೋಡಿದ್ದೇ ತಾನು ಬಂದ ಮೇಲೆ, ಐಪಿಎಲ್ ಎನ್ನುವುದು ತನ್ನ ಸಾಮ್ರಾಜ್ಯ ಇಲ್ಲಿ ತನ್ನನ್ನು ಯಾರೂ ಪ್ರಶ್ನಿಸುವಂತಿಲ್ಲ ಎಂದು ಬೀಗುತ್ತಿದ್ದ ಲಲಿತ್ ಮೋದಿಗೆ ಊರೆಲ್ಲಾ ಶತ್ರುಗಳೇ. ಬಿಸಿಸಿಐನ ಪ್ರಸ್ತುತ ಅಧ್ಯಕ್ಷ ಶಶಾಂಕ್ ಮನೋಹರ್, ನಿರಂಜನ್ ಷಾ, ರಾಜೀವ್ ಶುಕ್ಲಾ, ರತ್ನಾಕರ್ ಶೆಟ್ಟಿ, ಎಂ.ಶ್ರೀನಿವಾಸನ್ ಎಲ್ಲರನ್ನೂ ಮೋದಿ ಒಂದಲ್ಲಾ ಒಂದು ಕಾರಣಕ್ಕೆ ಕೆರಳಿಸಿದವನೇ. ಆದರೆ ಐಪಿಎಲ್ ಗವರ್ನಿಂಗ್ ಕೌನ್ಸಿಲ್ನಲ್ಲಿದ್ದಂತಹ ರಾಜಕಾರಣಿಗಳಾದ ಶರದ್ ಪವಾರ್, ಅರೂಣ್ ಜೇಟ್ಲಿ ಮತ್ತು ಫಾರೂಕ್ ಅಬ್ದುಲ್ಲಾರನ್ನು ತನ್ನ ಬೆನ್ನ ಹಿಂದೆ ನಿಲ್ಲಿಸಿಕೊಂಡಿದ್ದ ಬುದ್ಧಿವಂತ ಲಲಿತ್ ಮೋದಿ. ಆತನಿಗೆ ಅದೇ ಧೈರ್ಯ. ಆದರೆ ರಾಜಕೀಯದ ಚದುರಂಗದಾಟ ಲಲಿತ್ ಮೋದಿಯನ್ನು ಬಹಳ ಸುಲಭವಾಗಿ ಓವರ್ ಟೇಕ್ ಮಾಡಿಬಿಟ್ಟಿದೆ.

ಮೋದಿ ಕಛೇರಿ ಮೇಲೆ ಐಟಿ ದಾಳಿ ನಡೆದಾಗ, ಮಿಕ್ಕೆಲ್ಲಾ ಕಾಗದ ಪತ್ರಗಳು ಸಿಕ್ಕಿವೆಯಾದರೂ ಅನುಮಾನಕರ ರೀತಿಯಲ್ಲಿ ಕೊಚ್ಚಿ ತಂಡದ ಇತರೆ ಬಿಡ್ಡರ್ಗಳ ಅತಿಮುಖ್ಯ ಎರಡು ಫೈಲ್ಗಳು ಮಿಸ್ಸಿಂಗ್! ಸಿಸಿ ಟಿವಿ ಫುಟೇಜ್ನಲ್ಲಿ ಮೋದಿ ಆಫೀಸಿನಿಂದ ಒಬ್ಬ ಮಧ್ಯವಯಸ್ಕ ಹೆಂಗಸು ಐಟಿ ದಾಳಿ ನಡೆಯುವ ಕೆಲವೇ ನಿಮಿಷಗಳ ಹಿಂದೆ ಕೆಲವು ಫೈಲುಗಳನ್ನು ಹೊತ್ತೊಯ್ದಿರುವ ದೃಶ್ಯಗಳಿವೆ. ಆಕೆ ವಿಜಯ ಮಲ್ಯನ ಮಲ ಮಗಳು! ಆಕೆ ಮೋದಿ ಕಂಪೆನಿಯಲ್ಲಿ ಸಿಇಒ! ಈಗ ಬಯಲಾಗುತ್ತಿರುವ ಅಂಶವೆಂದರೆ ಐಪಿಎಲ್ ತಂಡ ಪಡೆಯಲು ವಿಫಲವಾದ ಆ ವಿಡಿಯೋಕಾನ್ ಮುನ್ನಡೆಸಿದ ಬಿಡ್ನಲ್ಲಿ ಶರದ್ ಪವಾರ್ ಅಳಿಯ, ಸುಪ್ರಿಯಾ ಸುಳೆಯ ಗಂಡ ಮತ್ತು ಎನ್ಸಿಪಿಯ ಮತ್ತೊಬ್ಬ ನಾಯಕ ಕೇಂದ್ರದ ವಿಮಾನಯಾನ ಖಾತೆ ಸಚಿವ ಪ್ರಫುಲ್ ಪಟೇಲ್ ಅವರ ಪಾಲೂ ಇತ್ತು! ಇವರು ಅಹಮದಾಬಾದ್ ಇಲ್ಲ ನಾಗಪುರಕ್ಕೆ ಐಪಿಎಲ್ ತಂಡವನ್ನು ಹೊತ್ತೊಯ್ಯಬೇಕೆಂದು ಆಶಿಸಿದ್ದರು. ಲಲಿತ್ ಮೋದಿ ರಾನ್ದೆವೋ ಸ್ಪೋರ್ಟ್ಸ್ಗೆ 300 ಮಿಲಿಯನ್ ಡಾಲರ್ಗಳಿಗೆ ಬಿಡ್ ಮಾಡಿ ಸಾಕು, ಮಿಕ್ಕಿದ್ದು ತಾನು ನೊಡಿಕೊಳ್ಳುತ್ತೇನೆ ಎಂದು ಸಲಹೆ ಮಡಿದನೆನ್ನಲಾಗಿದೆ. ಆದರೆ ರಾನ್ದೆವೋ ಸ್ಪೋರ್ಟ್ಸ್ 333.33 ಮಿಲಿಯನ್ ಡಾಲರ್ಗಲಿಗೆ ಬಿಡ್ ಮಾಡಿತು. ವೀಡಿಯೋಕಾನ್ 319 ಮಿಲಿಯನ್ ಡಾಲರ್ ಕೋಟ್ ಮಾಡಿತ್ತು! ನಂತರ ಶರದ್ ಪವಾರ್ ರಾನ್ದೆವೋ ಸ್ಪೋರ್ಟ್ಸ್ ಅನ್ನು ಕರೆದು ಮಾತನಾಡಿದ್ದಾರೆ ಕೂಡ. ಈಗ ಅರ್ಥವಾಯಿತಲ್ಲ? ಲಲಿತ್ ಮೋದಿಯ ಕಾನ್ಫಿಡೆನ್ಸಿಗೆ ಕಾರಣ.

ಈ ಸೂಕ್ಷ್ಮವನ್ನರಿತ ಕಾಂಗ್ರೆಸ್ ಶರದ್ ಪವಾರ್ ಅವರನ್ನು ಕರೆಸಿ, ಮಾತನಾಡಿಸಿದೆ. ಈ ಮೀಟಿಂಗಿನಲ್ಲಿ ಚಿದಂಬರಂ ಮತ್ತು ಪ್ರಣಬ್ ಮುಖರ್ಜಿ  ಶರದ್ ಪವಾರ್ ಅವರನ್ನು ತಾವೂ ಸಹ ರಾಜೀನಾಮೆ ನೀಡಬಹುದಲ್ಲವೆ ಎಂದು ಕೇಳಿದೆ. ಅಲ್ಲಿಗೆ ಸಂದೇಶ ಸ್ಪಷ್ಟ - ಲಲಿತ್ ಮೋದಿಯನ್ನು ಕಿತ್ತೊಗೆಯಿರಿ, ಇಲ್ಲದಿದ್ದರೆ ಇದು ತಮ್ಮ ಬುಡಕ್ಕೇ ಬರುತ್ತದೆ. ಶರದ್ ಪವಾರ ಅವರು ಲಲಿತ್ ಮೊದಿಯೊಂದಿಗೆ ನಡೆಸಿದರೆನ್ನಲಾದ ಟೆಲಿಫೋನ್ ಸಂಭಾಷಣೆಯನ್ನು ಸರ್ಕಾರ ಟ್ಯಾಪ್ ಮಾವಿಸಿ ರೆಕಾರ್ಡ್ ಮಾಡಿದ್ದು, ಅದನ್ನು ಬಳಸಿ ಪವಾರ್ ಅವರನ್ನು blackmail ಮಾಡಿದೆಯೆನ್ನುವ ಆರೋಪ ಕೇಳಿ ಬರುತ್ತಿದೆ. ಮೀಟಿಂಗ್ ಒಳಹೊಕ್ಕಾಗಲೂ ಮೋದಿಯನ್ನು ಸಮರ್ಥಿಸುತ್ತಿದ್ದ ಶರದ್ ಪವಾರ್, ಹೊರಬರುವಷ್ಟರಲ್ಲಿ ಮೋದಿ ರಾಜೀನಾಮೆ ನೀಡುವುದೇ ಸೂಕ್ತ ಎಂದು ಉಲಿಯ ತೊಡಗಿದ್ದಾರೆ. ಅಲ್ಲಿಗೆ ಲಲಿತ್ ಮೋದಿಗಿದ್ದ ಕಡೆಯ ಹುಲ್ಲು ಕಡ್ಡಿಯ ಆಸರೆಯೂ ಇಲ್ಲದಂತಾಯಿತು. ನಿನ್ನೆ ಅಂದರೆ ಏಪ್ರಿಲ್ 26ರಂದು ನಡೆದ ಐಪಿಎಲ್ ಗವರ್ನಿಂಗ್ ಕೌನ್ಸಿಲ್ ಮೀಟಿಂಗಿನಲ್ಲಿ ಲಲಿತ್ ಮೋದಿಯನ್ನು ಐಪಿಎಲ್ ಕಮೀಷನರ್ ಹುದ್ದೆಯಿಂದ ಕಿತ್ತೊಗೆಯಲಾಯಿತು. ಆತನಿಗೆ ತನ್ನ ನಿಲುವನ್ನು ಸಮರ್ಥಿಸಿಕೊಳ್ಳಲು ಕೂಡ ಅವಕಾಶವಿಲ್ಲದೆ!

ಆದರೆ ಮೋದಿಯನ್ನು ಹೊರಗೆಳೆಯುವುದು ಅಷ್ಟು ಸುಲಭದ ಮಾತಲ್ಲ. he is not going to go without a fight . ಈಗಾಗಲೇ ಮೋದಿ ವರ್ಸೆಸ್ ಥಿ ರೆಸ್ಟ್ ಎಂಬಂತಹ ಯುದ್ಧವೊಂದು ಚಾಲ್ತಿಯಲ್ಲಿದೆ. ಇದು ಬಿಚ್ಚಿಕೊಳ್ಳುತ್ತಿರುವುದು ಮೀಡಿಯಾದಲ್ಲಿ. ಶಶಿ ತರೂರ್ ಒಂದು ಲೀಕ್ ಕೊಟ್ಟರೆ, ಮೊದಿ ಕ್ಯಾಂಪಿನವರು ಎರಡು ಲೀಕ್ ಕೊಡುತ್ತಾರೆ. ಇತ್ತ ಕಾಂಗ್ರೆಸ್ ಮೋದಿ ವಿರುದ್ಧದ ಐಟಿ ವರದಿಯನ್ನು ಸೆಲೆಕ್ಟಿವ್ ಆಗಿ ಮೀಡಿಯಾಗೆ ಲೀಕ್ ಮಡುತ್ತಿದ್ದರೆ, ಅತ್ತ ಲಲಿತ್ ಮೋದಿ ಐಪಿಎಲ್ ಬಗ್ಗೆ ನಾನು ಕೆಲವು ಹಿರಿಯ ರಾಜಕಾರಣಿಗಳ ಜೊತೆ ನಡೆಸಿರುವ ಸಂಭಾಷಣೆಯನ್ನು ಟೇಪ್ ಮಾಡಿಟ್ಟುಕೊಂಡಿದ್ದೇನೆ, ಫೋನ್ ಮಾತುಕತೆ ರೆಕಾರ್ಡ್ ಆಗಿದೆ ಎಂದು ಹೊಸ ಬಾಂಬ್ ಸಿಡಿಸಿದ್ದಾರೆ. ಅಲ್ಲಿಗೆ ಅವರು ಕೊಡುತ್ತಿರುವ ಸಂದೇಶ ಸ್ಪಷ್ಟ - ನಾನು ಮೂಳುಗುವುದೇ ನಿಜವಾದರೆ, ನಾನೊಬ್ಬನೇ ಯಾಕೆ, ಎಲ್ಲರನ್ನೂ ಜೊತೆಗೆಳೆದುಕೋಮಡೇ ಮೂಳುಗುತ್ತೇನೆ ಹುಷಾರ್! ಐಪಿಎಲ್ ಗವರ್ನಿಂಗ್ ಕೌನ್ಸಿಲ್ನಲ್ಲಿದ್ದೂ ಕೂಡ ಇದಾವುದನ್ನೂ ಈವರೆಗೂ ಪ್ರಶ್ನಿಸದ ಇವರು ಈಗ ಇದ್ದಕ್ಕಿದ್ದ ಹಾಗೇ ಪತಿವ್ರೆತೆಗಳಾಗ ಹೊರಟರೆ? ಇಷ್ಟು ದಿನ ಪ್ರಶ್ನಿಸದೇ ಉಳಿದರು ಎಂದರೆ ಇವರಿಗೂ ಅದರಿಂದ ಲಾಭವಿತ್ತು ಅಂತಲ್ಲವೇ? ಇದರ ಪುರಾವೆಗಳಿಲ್ಲದಿರುತ್ತವೆಯೇ ಲಲಿತ್ ಮೋದಿಯ ಬಳಿ? ಹಾಗಾಗಿ ಲಲಿತ್ ಮೋದಿಯನ್ನು ಕ್ರಿಕೆಟ್ನಿಂದ ಹೊರಹಾಕುವುದು ಅಷ್ಟು ಸುಲಭವಲ್ಲ. ಈಗಿರುವ ಪರಿಸ್ಥಿತಿಯಲ್ಲಿ ಆತನನ್ನು ಐಪಿಎಲ್ ಕಮೀಷನರ್ ಹುದ್ದೆಯಿಂದ ಕೆಳಗಿಲಿಸಲಾಗಿದೆಯಾದರೂ ಆತನನ್ನು ಬಹುಶಃ  ಬಿಸಿಸಿಐನಡಿಯಲ್ಲಿ ಬರುವ ಯಾವುದಾದರೂ ಸಬ್ ಕಮಿಟಿಯನ್ನು ಮೋದಿಗೆ ಕೊಡಬಹುದು. ಆದರೆ ಇದನ್ನು ಲಲಿತ್ ಮೋದಿ ಹೇಗೆ ಸ್ವೀಕರಿಸುತ್ತಾನೋ ನೋಡಬೇಕು.

ಇಂಗ್ಲೆಂಡ್ನ ಕೌಂಟಿ ಕ್ರಿಕೆಟ್ನ ಅನುಕರಣೆಯಾಗಿ, ಕಪಿಲ್ ದೇವ್ರ ಸಕಾರಣ ಬಂಡಾಯದಿಂದ ಉಗಮವಾದ ಐಸಿಎಲ್ಗೆ ಸೆಡ್ಡು ಹೊಡೆಯಲೋಸುಗ, ಬಿಸಿಸಿಐನ ಲಲಿತ್ ಮೋದಿ ಎಂಬ ಉದ್ಯಮಿಯ ಮಸ್ತಿಷ್ಕದಲ್ಲಿ ಮೂಡಿದ್ದೇ ಐಪಿಎಲ್ನ ಐಡಿಯಾ. ಇದು ಐ.ಸಿ.ಎಲ್ನ ಯಥಾವತ್ ನಕಲು. ಅಪಾರ ಪ್ರಮಾಣದ ಹಣದ ಠಿಠಣಜಟಿಣಚಿಟ ಇರುವ ಮಾರುಕಟ್ಟೆಯಾಗಿ ಕಂಡ ಇದನ್ನು ಬಿಸಿಸಿಐ ಜಾರಿಗೆ ತಂದಿತು ಅಷ್ಟೆ. ಆದರೆ ಮೀಡಿಯಾದ ಹುಚ್ಚು ಹೊಗಳು ಬಟ್ಟತನದಲ್ಲಿ ತೇಲಿ ಹೋದ ಲಲಿತ್ ಮೋದಿ ತಾನೇನೋ ಹೊಸದನ್ನು ಹುಟ್ಟು ಹಾಕಿಬಿಟ್ಟಿದ್ದೇನೆ. ತಾನೊಬ್ಬ ಜೀನಿಯಸ್ ಪಯನಿಯರ್ ಎಂಬುದನ್ನು ತಲೆಗೆ ಹಚ್ಚಿಕೊಂಡು ಬಿಟ್ಟ. ಆತನ ತಲೆ, ಕತ್ತಿನ ಮೇಲೆ ನಿಲ್ಲದಾಯಿತು. ಅದೇ ದುರಹಂಕಾರ, ಹಣದ ಮದ ಇಂದು ಆತನನ್ನು ಬೀದಿಗೆ ತಂದು ನಿಲ್ಲಿಸಿದೆ.

ಇಬ್ಬರ ಜಗಳದಲ್ಲಿ ಕೂಸು ಬಡವಾಯಿತು ಎನ್ನುವಂತೆ ಲಲಿತ್ ಮೋದಿಯ ಕರಾಳ ಸಾಮ್ರಾಜ್ಯ, ಶರದ್ ಪವಾರ್ನ ರಾಜಕೀಯ  ಚದುರಂಗದಾಟಗಳ ನಡುವೆ ಜಾಗತಿಕ ಕ್ರಿಕೆಟ್ನ ಸಂಚಲನ ಐಪಿಎಲ್ ಮಸಿ ಬಳಿದುಕೊಂಡು ಕೂತಿದೆ. ಅದರ ವಿಶ್ವಾಸಾರ್ಹತೆ ಪಾತಾಳ ಮುಟ್ಟಿದೆ. ಹಿಂದೊಮ್ಮೆ ಮ್ಯಾಚ್ ಫಿಕ್ಸಿಂಗ್ನ ಬಿರುಗಾಳಿ ಬೀಸಿದಾಗ ಕ್ರಿಕೆಟ್ ತನ್ನ ವಿಶ್ವಾಸಾರ್ಹತೆಯನ್ನು ಕಳೆದುಕೊಂಡಿತ್ತು. ಕ್ರಿಕೆಟ್ ಮರಳಿ ಒಂದು ರೆಸ್ಪೆಕ್ಟಬಲ್ ಗೇಮ್ ಆಗಲು ವರ್ಷಗಳೇ ಹಿಡಿಯಿತು. ಜಾಗತಿಕ ಕ್ರಿಕೆಟ್ ಮತ್ತೂ ಮುಖ್ಯವಾಗಿ ಐಪಿಎಲ್ ಇಂದು ಮರಳಿ ಅದೇ ಕವಲುದಾರಿಗೆ ಬಂದು ನೀಂತಿರುವುದು ವಿಷಾದನೀಯ.

ಈ ಬಾರಿಯ ಹಾಕಿ ವಿಶ್ವಕಪ್ ದೆಹಲಿಯಲ್ಲಿ ನಡೆಯುತ್ತೆ ಅಂದಾಗಲೇ ಏನೋ ರೋಮಾಂಚನ. ಭಾರತದ ಹಾಕಿ ಚರಿತ್ರೆಯ ಸುವರ್ಣ ಘಟ್ಟಗಳು ನೆನಪಿಗೆ ಬಂದು ಏನೋ ಒಂದು ರೀತಿಯ ಖುಷಿ, ಬೆಟದಷ್ಟು ನಿರೀಕ್ಷೆ. ಆದರೆ ಎಲ್ಲವೂ ಮಣ್ಣುಪಾಲಾಗಿದೆ. ಕಳೆದ 30 ವರ್ಷಗಳಂತೆ ಭಾರತ ಈ ಬಾರಿಯ ವಿಶ್ವಕಪ್ನಲ್ಲಿ ತಾನು ಟಾಪ್ 8ನಲ್ಲಿ ಉಳಿಯುತ್ತೇನಾ ಇಲ್ಲ, ಅದಕ್ಕೂ ಮೇಲ್ಪಟ್ಟ ರಾನ್ಕಿಂಗಾ ನಮ್ಮದು? ಅಂತ ಕಾದು ಕುಳಿತಿರುವ ಕರುಣಾಜನಕ ಸ್ಥಿತಿ. ಈ ಬಾರಿ ದೆಹಲಿಯಲ್ಲಿ ವಿಶ್ವಕಪ್ ನಡೆಯುವುದರಿಂದ ದೇಶದಲ್ಲಿ ಹಾಕಿಗೆ ಹೆಚ್ಚು ಪ್ರಚಾರ, ಪ್ರೋತ್ಸಾಹ ಸಿಗಲಿದೆ. ನಮ್ಮವರು ಹೋಂಗ್ರೌಂಡ್ನಲ್ಲಿ ಆಡುತ್ತಾರಾದ್ದರಿಂದ ಎಲ್ಲೋ ಮನಸ್ಸಿನ ಮೂಲೆಯಲ್ಲೊಂದು ಗೆಲುವಿನ ಆಶಾದೀಪ ಸಣ್ಣಗೆ ಬೆಳಗುತ್ತಿತ್ತು. ಭಾರತ ಪಾಕಿಸ್ತಾನವನ್ನು 4-1 ಗೋಲ್ಗಳ ಅಂತರದಿಂದ ಬಗ್ಗು ಬಡಿದಾಗ ಈ ಸಣ್ಣ ಆಶಾದೀಪ ಜ್ಯೋತಿಯಾಗಿ ಬೆಳಗಿತು. ಓಹ್!..ಇಂಡಿಯನ್ ಹಾಕಿ ಈಸ್ ಬ್ಯಾಕ್ ಇನ್ ಫಾರ್ಮ್ ಅಂತ ಉದ್ಗರಿಸಿದವರೆಷ್ಟೋ? ಆದರೆ ಮುಂದಿನ ಎಲ್ಲಾ ಪಂದ್ಯಗಳಲ್ಲೂ ನಾವು ಕಂಡದ್ದು ಭಾರತ ಹಾಕಿ ತಂಡದ ಎಡೆಬಿಡದ ಅವನತಿ. ಇಂಗ್ಲೆಂಡ್, ದಕ್ಷಿಣಾಫ್ರಿಕಾ...ವಿರುದ್ಧ ಆಡಿದ ನಂತರದ ಎಲ್ಲ ಪಂದ್ಯಗಳನ್ನೂ ಭಾರತ ಯಾವುದೇ ಪ್ರಬಲ ಪ್ರತಿರೋಧ ಒಡ್ಡದೆ ಹೀನಾಯವಾಗಿ ಸೋತಿತು. ಎಲ್ಲರ ನಿರೀಕ್ಷೆಗಳು ಮಣ್ಣುಪಾಲಾಯಿತು.

ಭಾರತ ಹಾಕಿಯ ಚರಿತ್ರೆ ಎಂತಹುದಿದೆ. ಅದು ಸುವರ್ಣಾಕ್ಷರಗಳಲ್ಲಿ ಬರೆದಿಡತಕ್ಕಂಥದ್ದು! ಬಹುಶಃ ಅನೇಕರಿಗೆ ತಿಳಿದಿರಲಿಕ್ಕಿಲ್ಲ, ಹಿಂದೊಮ್ಮೆ ಭಾರತ ಹಾಕಿಯ ತವರುಮನೆಯಂತಿತ್ತು. ಇತರೆ ಎಲ್ಲ ದೇಶಗಳಿಗೂ ಇದು ಮಾದರಿಯಾಗಿತ್ತು. ಆರಂಭದ ದಿನಗಳಲ್ಲಿ ವಿಶ್ವ ಹಾಕಿಯಲ್ಲಿ ಭಾರತದ್ದು ಆಲ್ಮೋಸ್ಟ್ ಮನೋಪಲಿ - ಏಕಚಕ್ರಾಧಿಪತ್ಯ! 1928ರಿಂದ ಆರಂಭವಾಗಿ ಭಾರತ ಸತತ 6 ಒಲಂಪಿಕ್ಸ್ ಕ್ರೀಡಾ ಕೂಟಗಳಲ್ಲಿ ಚಿನ್ನದ ಪದಕ ಪಡೆದಿತ್ತು. 1928, 1932, 1936, 1948, 1952, 1956! ಆದರೆ 1960ರ ರೋಮ್ ಒಲಂಪಿಕ್ಸ್ನಲ್ಲಿ ಭಾರತ ಬೆಳ್ಳಿ ಪದಕಕ್ಕೆ ತೃಪ್ತಿ ಪಡಬೇಕಾಯಿತು. ಭಾರತದ ಮನೋಪಲಿ ಮೊದಲ ಬಾರಿಗೆ ಸಡಿಲವಾಗಿತ್ತು. ಮತ್ತೆ 1964ರಲ್ಲಿ ಚಿನ್ನ, ನಂತರದ ಎರಡು ಒಲಂಪಿಕ್ಸ್ನಲ್ಲಿ ಕಂಚು, ಮತ್ತೆ 1980ರಲ್ಲಿ ಚಿನ್ನ! ಅಷ್ಟೆ ಅದೇ ಕೊನೆ, ನಂತರ ಭಾರತ ಹಾಕಿಗೆ ಒಲಂಪಿಕ್ಸ್ ಕ್ರೀಡಾಕೂಟದಲ್ಲಿ ಒಂದೇ ಒಂದು ಪದಕವೂ ಬಂದಿಲ್ಲ. ಅತ್ಯಂತ ಅವಮಾನಕರ ಸಂಗತಿಯೆಂದರೆ, ಹೀಗೆ ಒಂದು ಕಾಲಕ್ಕೆ ವಿಶ್ವ ಹಾಕಿಯನ್ನು ಮೇಲಾಗಿ ಒಲಂಪಿಕ್ಸ್ ಅನ್ನು ಒಂದೇ ಕೈಯಲ್ಲಿ ಆಳಿದ್ದ ಭಾರತ 2008ರ ಬೀಜಿಂಗ್ ಒಲಂಪಿಕ್ಸ್ನಲ್ಲಿ ಆಡಲು ಅರ್ಹತೆಯನ್ನೇ ಪಡೆಯಲಿಲ್ಲ! ಅರ್ಹತಾ ಸುತ್ತಿನಲ್ಲೇ ಭಾರತ ಸೋತು ಮನೆಗೆ ಮರಳಿತು! ಏತನ್ಮಧ್ಯೆ ಹಾಕಿ ವಿಶ್ವಕಪ್ ಅನ್ನು ಭಾರತ ಒಮ್ಮೆ ಮಾತ್ರ ಅದೂ 1975ರಲ್ಲಿ ತನ್ನದಾಗಿಸಿಕೊಂಡಿತ್ತು. ಮತ್ತೆ ಈಗ ಹಾಕಿ ವಿಶ್ವಕಪ್ನ ಆತಿಥ್ಯ ನಮಗೆ ಬಂದಿದ್ದರಿಂದ ಸಣ್ಣ ನಿರೀಕ್ಷೆಯೊಂದು ಜನ್ಮ ತಾಳಿತ್ತು. ಆದರೆ ಅದೆಲ್ಲವೂ ನದಿಯಲ್ಲಿ ಹುಣಿಸೆಹಣ್ಣು ತೊಳೆದಂತಾಯಿತು!

ಒಂದರ್ಥದಲ್ಲಿ ಇದೂ ಕೂಡ ನಿರೀಕ್ಷಿತವೇ! ಹೌದು ಭಾರತ ಹಾಕಿಯ ಅಧಃಪತನ ಇಂದು ನಿನ್ನೆಯದಲ್ಲ, ನಿನ್ನೆ ಮೊನ್ನೆಯ ತಪ್ಪುಗಳಿಂದಲ್ಲ, ಈ ಅಧಃಪತನಕ್ಕೇ ಸುಮಾರು ದಶಕಗಳ ಇತಿಹಾಸವಿದೆ. ಹಾಕಿ ಭಾರತದ ರಾಷ್ಟ್ರ ಕ್ರೀಡೆ. ಇಂದು ಹಲವರಿಗೆ ಇದು ತಿಳಿದಿರುವಂತಿಲ್ಲ. ಎಲ್ಲರೂ ಕ್ರಿಕೆಟ್ಟೇ ನಮ್ಮ ರಾಷ್ಟ್ರ ಕ್ರೀಡೆ ಎಂದು ಭಾವಿಸಿರುವಂತಿದೆ. ಅದೇ ಹಾಕಿಯ ಸಮಸ್ಯೆ ಕೂಡ. ಮೊದಲಿಗೆ ನಮ್ಮಲ್ಲಿ ಕ್ರಿಕೆಟ್ ಅಷ್ಟು ಗ್ಲಾಮರಸ್ ಆಗಿಯೂ ಇರಲಿಲ್ಲ, ಅದಕ್ಕೆ ಇಷ್ಟು ಮನ್ನಣೆಯೂ ಇರಲಿಲ್ಲ. ಆಗ ಹಾಕಿಯದ್ದೇ ಮೇಲುಗೈ. ಆದರೆ ಅದೂ ಸಹ ಒಂದು ಕಾಲಘಟ್ಟ ಅಷ್ಟೆ. 70ರ ದಶಕದ ಕೊನೆಯ ದಿನಗಳು ಮತ್ತು 80ರ ದಶಕದಲ್ಲಿ ವಿಶ್ವದಾದ್ಯಂತ ಕ್ರಿಕೆಟ್ ಮನೆಮಾತಾಯಿತು. ಅಷ್ಟರಲ್ಲಿ ಭಾರತದ ಹಾಕಿಯ ಸುವರ್ಣ ಅಧ್ಯಾಯವೂ ಮುಗಿದಿತ್ತು. 1980 ಅದು ಭಾರತ ಹಾಕಿಯ ಕಡೆಯ ದಿಗ್ವಿಜಯ. ಜನಕ್ಕೆ ಥ್ರಿಲ್ ಕೊಡಬಹುದಾದ ಒಂದು ಆಟ ಬೇಕಿತ್ತು. ಅದೇ ಸಂಧಿಗ್ಧ ಸಮಯದಲ್ಲಿ ಭಾರತ ಕ್ರಿಕೆಟ್ ವಿಶ್ವಕಪ್ ಅನ್ನು ತನ್ನ ಮುಡಿಗೇರಸಿಕೊಂಡಿತು. ಭಾರತದಲ್ಲಿ ಕ್ರಿಕೆಟ್ ಇನ್ನಿಲ್ಲದಂತೆ ಮನೆಮಾತಾಯಿತು. ಹಾಕಿ ತೆರೆ ಮರೆಗೆ ಸರಿಯಿತು. ಇಂದಿಗೂ ಅದು ತೆರೆಯ ಮರೆಯಲ್ಲೇ ಇದೆ. ನಮ್ಮ ಮೀಡಿಯಾಗಳು ಕೂಡ ಕ್ರಿಕೆಟ್ನ ಹುಚ್ಚು ಅಮಲಿನಲ್ಲಿ ಮಿಂದೇಳುತ್ತಿವೆಯೇ ಹೊರತು ಹಾಕಿಯೆಡೆಗೆ ಒಮದು ಪರೀಕ್ಷಣಾರ್ಥ ಚಿಕಿತ್ಸಕ ದೃಷ್ಟಿಯನ್ನು ಬೀರಲೇ ಇಲ್ಲ. ಭಾರತದ ಹಾಕಿಯನ್ನು ಒಂದು ಪಾಸಿಟಿವ್ ಕ್ರಿಟಿಸಿಸಂನಿಂದ ಕೂಡ ವಂಚಿಸಲಾಯಿತು.

ಮೊದಲೇ ಬಳಲುತ್ತಿದ್ದ ಭಾರತೀಯ ಹಾಕಿಗೆ ಗೆದ್ದಲು ಹಿಡಿಸಿದ್ದು, ನಮ್ಮ ಕ್ರೀಡಾ ವ್ಯವಸ್ಥೆ. ಹೌದು ಇದರಲ್ಲಿ ಅನುಮಾನವೇ ಇಲ್ಲ. ಹಾಕಿ ಫೆಡರೇಶನ್ ಆಫ್ ಇಂಡಿಯಾಗೆ ಹಲವು ದಶಕಗಳಿಂದ ಸೂಪರ್ ಕಾಪ್ ಎನಿಸಿದ್ದ ಕೆಪಿಎಸ್ ಗಿಲ್ ಅಧ್ಯಕ್ಷ. ಯಾವುದೇ ರೀತಿಯಲ್ಲಿ ಎಣಿಸಿ ನೋಡಿದರೂ ಹಾಕಿ ಆಟಕ್ಕೆ ಸಂಬಂಧವೇ ಇಲ್ಲದ ಈ ಮನುಷ್ಯನನ್ನು ಈತನ ಎಲ್ಲಾ ತುಘಲಕ್ ದರ್ಬಾರುಗಳೊಂದಿಗೆ ಬಾರತೀಯ ಹಾಕಿ ಇನ್ನೂ ಸಾಕುತ್ತಿದೆ. ಈತನಿಗೆ ಇದೊಂದು ಪ್ರೆಸ್ಟೀಜ್ ಇಲ್ಲವೇ ವೈಯಕ್ತಿಕ ತೆವಲು ಅಷ್ಟೆ. ಆದರೆ ಇದರಲ್ಲಿ ಬಲಿಯಾದದ್ದು ಭಾರತದ ರಾಷ್ಟ್ರೀಯ ಕ್ರೀಡೆ ಹಾಕಿ! ಯಾವ ಮಟ್ಟಿಗೆ ಭಾರತೀಯ ಹಾಕಿಗೆ ಗೆದ್ದಲು ಹಿಡಿಸಲಾಗಿದೆಯೆಂದರೆ, ಮೊನ್ನೆ ದೆಹಲಿಯ ಹಾಕಿ ವಿಶ್ವಕಪ್ಗೂ ಮುನ್ನಾ ದಿನಗಳಲ್ಲಿ ಭಾರತೀಯ ಹಾಕಿ ಟೀಂನ ಎಲ್ಲಾ ಆಟಗಾರರೂ ಪುಣೆಯಲ್ಲಿ ತರಬೇತಿ ಪಡೆಯುತ್ತಿದ್ದರು. ಆ ತರಬೇತಿ ಶಿಬಿರದಲ್ಲಿ ಆಟಗಾರರು ಬಂಡೆದ್ದರು. ತಮಗೆ ಮ್ಯಾಚ್ ಫೀಸ್ ಅನ್ನು ಕೂಡ ಕೊಡುತ್ತಿಲ್ಲ, ನಮ್ಮ ಬಾಕಿಗಳನ್ನು ಹಾಗೆ ಉಳಿಸಿ ಕೊಳ್ಳಲಾಗಿದೆ, ನಮಗೂ ಸಂಸಾರಗಳಿವೆ, ಅದೆಲ್ಲವನ್ನೂ ಬಿಟ್ಟು ಸೋಷಿಯಲ್ ಸರ್ವೀಸ್ಗಾಗಿ ನಾವಿಲ್ಲಿ ಅಡುತ್ತಿಲ್ಲ. ನಮ್ಮ ಮ್ಯಾಚ್ ಫೀಸ್ ಕೊಡುವವರೆಗೆ ನಾವು ಯಾವುದೇ ಪಂದ್ಯದಲ್ಲಿ ಆಡುವುದಿಲ್ಲ. ವಿಶ್ವಕಪ್ ಅನ್ನು ಕೂಡ ಬಹಿಷ್ಕರಿಸುತ್ತೇವೆ ಎಂದು ಭೀಷ್ಮಿಸಿ ಕೂತು ಬಿಟ್ಟರು! ಆಗಲೇ ಭಾರತ ಹಾಕಿಯ ಎಲ್ಲಾ ಹುಳುಕುಗಳೂ ಹೊರಜಗತ್ತಿಗೆ ಅರಿವಾಗಲಾರಂಭಿಸಿದ್ದು. ನಂತರ ನಡೆದದ್ದು ಆಟಗಾರರು ಮತ್ತು ಹಾಕಿ ಫೆಡರೇಷನ್ ನಡುವಿನ ಹದಿನೈದು ದಿನಗಳ ಜಟಾಪಟಿ. ನ್ಯಾಯವಾಗಿ ಅವರಿಗೆ ಬರಬೇಕಾದ್ದನ್ನು ಕೇಳಿದ್ದಕ್ಕೆ, ಆಟಗಾರರನ್ನು ಇವರು ಬೆದರಿಸಿದ್ದೇನು? ಅದಾಗದಿದ್ದಾಗ ಮುದ್ದಿಸಲು ಪ್ರಯತ್ನಿಸಿದ್ದೇನು? ಕಡೆಗೆ ಇಂಡಿಯನ್ ಒಲಂಪಿಕ್ ಫೆಡೆರೆಶನ್ನ ಸುರೇಶ ಕಲ್ಮಾಡಿ ಇಳಿದು ಬಂದು ರಾಜಿ ಮಾಡಿಸಿ, ಆಟಗಾರರಿಗೆ ನ್ಯಾಯವಾಗಿ ಸಲ್ಲಬೇಕಾದ ಹಣ ಸಂದಾಯವಾಗುವಂತೆ ನೋಡಿಕೊಂಡರು. ಇಲ್ಲದಿರೆ ದೆಹಲಿಯಲ್ಲಿ ನಡೆಯುತ್ತಿರುವ ಹಾಕಿ ವಿಶ್ವಕಪ್ಗೆ ಬಾರತದ ಹಾಕಿ ತಂಡ ಬಹಿಷ್ಕಾರ ಹಾಕುತ್ತಿತ್ತು!

ಯಾಕೆ ಹೀಗೆ? ಹಾಕಿ ಫೆಡರೇಶನ್ ಆಫ್ ಇಂಡಿಯಾವನ್ನು ಕೇಳಿ ನೋಡಿ, ಅವರು ಬರಿಗೈಯನ್ನು ತೊರಿಸುತ್ತಾರೆ. ಇಂದು ಹಾಕಿಯ ಬಗ್ಗೆ ನಮ್ಮ ಜನರಲ್ಲಿ ಹೆಚ್ಚು ಆಸಕ್ತಿಯಿಲ್ಲ, ಎಲ್ಲರೂ ಕ್ರಿಕೆಟ್ನ ಅಂಗಳದಲ್ಲಿ ಮುಳುಗಿ ಹೋಗಿದ್ದಾರೆ. ಆದ್ದರಿಂದ ರೆವಿನ್ಯೂ ಜೆನರೇಷನ್ ಎನ್ನುವುದು ಕನಸಿನ ಮಾತು. ಮತ್ತೊಂದೆಡೆ ಸರ್ಕಾರ ಕೂಡ ಇದೇ ಬುದ್ದಿಗೇಡಿ ಕೆಲಸವನ್ನು ಮಾಡುತ್ತಿದೆ. ಅದೂ ಕೂಡ ಕ್ರಿಕೆಟ್ನಲ್ಲೇ ಮುಳುಗಿಹೋಗಿದೆ. ಇನ್ನು ಮೀಡಿಯಾಗಳ ವಿಷಯ ಹೇಳುವುದೇ ಬೇಡ. ಹಾಕಿಯಲ್ಲಿ ಭಾರತ ಚಿನ್ನದ ಪದಕ ತಮದರೂ, ಅಸಲಿಗೆ ಅದು ಒಲಂಪಿಕ್ಸ್ಗೆ ಅದು ಅರ್ಹತೆಯೇ ಪಡೆಯದಿದ್ದರೂ ಅದರದು ಒಂದೇ ಪ್ರತಿಕ್ರಿಯೆ - ಕಡೆಯ ಪೇಜಿನಲ್ಲೊಂದು ಬಾಕ್ಸ್ ಐಟಂ! ಇದೇ ಭಾರತದ ಹಾಕಿಯನ್ನು ಕೊಂದಿರುವುದು.

ಇನ್ನು ಈ ವಿಶ್ವಕಪ್ನ ನಂತರ ಶುರುವಾಗಲಿದೆ ನೋಡಿ ಫೈರಿಂಗ್! ಆಗಲೇ ಭಾರತ ಹಾಕಿ ತಂಡದ ಕೋಚ್ ಬಾಸ್ರಾ ತನ್ನ ಬ್ಯಾಗುಗಳು ಯಾವಾಗಲೂ ಪ್ಯಾಕ್ ಆಗೇ ಇರುತ್ತವೆ ಎನ್ನುವ ಮೂಲಕ ತಾನು ಮಾನಸಿಕವಾಗಿ ಫ್ಯರಿಂಗ್ ಆರ್ಡರ್ಸ್ಗೆ ಸಿದ್ಧ ಎನ್ನುವುದನ್ನು ತಿಳಿಸಿದ್ದಾನೆ. ಆದರೆ ಸಮಸ್ಯೆ ಇದಲ್ಲ. ವಿಶ್ವ ಹಾಕಿ ಮುಂದೆ ಮುಂದೆ ಹೋಗುತ್ತಿದ್ದರೂ ಭಾರತದ ಹಾಕಿ ಮಾತ್ರ ಅದಕ್ಕೆ ಒಗ್ಗಿಕೊಳ್ಳದೆ ಇನ್ನೂ ತನ್ನ ಪಾಸ್ಟ್ ಗ್ಲೋರಿಯಲ್ಲೇ ಬದುಕುತ್ತಿದೆ. ಇನ್ನೂ ಭಾರತದ ಹಾಕಿ ಸಿಂಥಟಿಕ್ ಪಿಚ್ ಅನ್ನು ಒಪ್ಪಿಲ್ಲವೆಂದರೆ ಲೆಕ್ಕ ಹಾಕಿ. ಹಾಕಿಯಂಗಳಲದಲಿ ಹುಲ್ಲುಗಾವಲು ಮಾಯವಾಗಿ 30 ವರ್ಷಗಳಾಗುತ್ತಾ ಬಂದವು!

ಸಮಸ್ಯೆಯೆಂದರೆ ಪ್ರತಿ ಬಾರಿ ನಾವು ಆಮೂಲಾಗ್ರ ಬದಲಾವಣೆ ಅಂತ ಮಾತು ಶುರು ಮಾಡಿದರೂ, ಅದೇ ಗೆದ್ದಲು ಹತ್ತಿದ ವ್ಯವಸ್ಥೆ ಕೋಚ್ ಮತ್ತು ಆಟಗಾರರ ಮೇಲೆ ಕ್ರಮಕ್ಕೆ ಮುಂದಾಗುತ್ತದೆ. ಸಮಸ್ಯೆ ಕೋಚೂ ಅಲ್ಲ ಅಟಗಾರರೂ ಅಲ್ಲ, ಸಮಸ್ಯೆ ಅದೇ ವ್ಯವಸ್ಥೆ! ಯಾವುದೇ ಬದಲಾವಣೆ ಟಾಪ್ ಟು ಬಾಟಂ ಆಗಬೇಕು, ಅಭಿವೃದ್ಧಿ ಗ್ರಾಸ್ ರೂಟ್ ಲೆವಲ್ನಲ್ಲಿ ಆಗಬೇಕು. ನಮ್ಮಲ್ಲಿ ಬದಲಾಗಬೇಕಿರುವುದು ಈ ಗೆದ್ದುಲು ಹಿಡಿದ ವ್ಯವಸ್ಥೆ! ಅದಾದರೆ ಮಾತ್ರ ಭಾರತದ ಹಾಕಿಗೆ ಭವಿಷ್ಯವುಂಟು, ಇಲ್ಲದಿರೆ.......?!!

ಮೊದಲಿಗೆ `ಲಿಟ್ಲ್ ಮಾಸ್ಟರ್' ಎಂಬ ಬಿರುದು ಸಂದಾಯವಾಗಿದ್ದು ಗವಾಸ್ಕರ್ಗೆ, ಅವರ ನಿವೃತ್ತಿಯ ನಂತರವೇ ಸಚಿನ್ ಆ ನಾಮಾಂಕಿತರಾದದ್ದು. ಆದ್ದರಿಂದ ರಿಯಲ್ `ಲಿಟ್ಲ್ ಮಾಸ್ಟರ್' ಅವರೇ - ಕ್ರಿಕೆಟ್ ಜಗತ್ತಿನ

ಜೀವಂತ ದಂತಕಥೆ ಸುನೀಲ್ ಮನೋಹರ್ ಗವಾಸ್ಕರ್ - ನಲ್ಮೆಯ `ಸನ್ನಿ!' ಹೌದು ಕ್ರಿಕೆಟ್ ಜಗತ್ತಿನ ಜೀವಂತ ದಂತಕಥೆ, ಜೆಂಟಲ್ಮ್ಯಾನ್ ಗವಾಸ್ಕರ್ ಇತ್ತೀಚೆಗಷ್ಟೇ ತಮ್ಮ ಅರವತ್ತನೇ ಹುಟ್ಟುಹಬ್ಬವನ್ನು ಸರಳವಾಗಿ ಪುಟ್ಪರ್ತಿಯಲ್ಲಿ ಆಚರಿಸಿಕೊಂಡಿದ್ದಾರೆ. ಅವರು ಕ್ರಿಕೆಟ್ಟಿನಲ್ಲಂತೆ ತಮ್ಮ ಜೀವನದಲ್ಲೂ ಸೆಂಚುರಿ ಬಾರಿಸಲೆಂಬುದು ನಮ್ಮೆಲ್ಲರ ಆಶಯ. ಆ ಉತ್ಸಾಹ ಜೀವನ್ಮುಖತೆ ಮತ್ತು ಆರೋಗ್ಯ ಅವರಲ್ಲಿ ಉಕ್ಕುಕ್ಕಿ ತುಳುಕುತ್ತಿರುವುದು ನಮ್ಮನ್ನು ಆಶಾಜನಕರನ್ನಾಗಿಸಿದೆ.

ಗವಾಸ್ಕರ್ - ಬಹುಶಃ ಭಾರತ ಕಂಡ ಮೊದಲ ಸೂಪರ್ ಸ್ಟಾರ್ ಕ್ರಿಕೆಟಿಗ ಇವರೇ ಇರಬೇಕು. ಅವರು ಆ ಪಟ್ಟಕ್ಕೆ ಅರ್ಹರಾಗಿದ್ದರು, ಹಾಗಿತ್ತು ಅವರ ಆಟ. ಗವಾಸ್ಕರ್ ಜನಿಸಿದ್ದು ಮುಂಬೈನಲ್ಲಿ. ಮೊದಲಿಂದಲೂ ಅವರಿಗೆ ಕ್ರಿಕೆಟ್ ಮೇಲೆ ಎಲ್ಲಿಲ್ಲದ ಆಸಕ್ತಿ. ಅವರ ಮೊದಲ ಗುರು ಅವರ ತಾಯಿ. ಇದನ್ನು ಅವರ ಆತ್ಮಚರಿತ್ರೆಯಲ್ಲಿ ಸೊಗಸಾಗಿ ವರ್ಣಿಸಿದ್ದಾರೆ. ಹೀಗೆ ಕ್ರಿಕೆಟ್ ಆಡುವಾಗ ಅವರ ಅಮ್ಮನ ಮೂಗಿಗೆ ಅವರು ಮಾಡಿದ ಗಾಯ ಇನ್ನೂ ಇದೆ. ಶಾಲಾ ಕಾಲದಲ್ಲೇ ಭರತೀಯ ಶಾಲಾ ಬಾಲಕರ ಕ್ರಿಕೆಟ್ ತಂಡದ ನಾಯಕರಾಗುತ್ತಾರೆ ಗವಾಸ್ಕರ್! ಲಂಡನ್ ಸ್ಕೂಲ್ ಬಾಯ್ಸ್ ಮೇಲೆ ಅಮೋಘ ವಿಜಯ ದಾಖಲಿಸುತ್ತಾರೆ. ನಂತರ ಪ್ರಖ್ಯಾತ ಸೇಂಟ್ ಗ್ಜೇವಿಯರ್ ಕಾಲೇಜಿನ ಮೆಟ್ಟಿಲತ್ತಿದ ನಂತರ ಕಾಲೇಜು ತಂಡದಲ್ಲಿ ಸ್ಥಾನ ಪಡೆದು ಅವರ ಪ್ರತಿಭೆಯನ್ನು ಪ್ರದರ್ಶಿಸಿದರು. ನಂತರ ಮುಂಬೈ ವಿಶ್ವವಿದ್ಯಾಲಯ, ದಾದರ್ ಯೂನಿಯನ್ ತಂಡಗಳ

ಪರ ಆಡಿ ಅವರ ಆಟವನ್ನು ಹುರಿಗೊಳಿಸಿಕೊಂಡರು. ಆಗಿನ ಕ್ರಿಕೆಟ್ ನಿಪುಣರೆನಿಸಿಕೊಂಡಿದ್ದವರ ಗರಡಿಯಲ್ಲಿ ಪಳಗಿದ ಗವಾಸ್ಕಾರ್ಗೆ ಮುಂದೆ ಇದು ತನ್ನ ಕೆರಿಯರ್ನಲ್ಲಿ ಎಷ್ಟೋ ಸಹಾಯಕ್ಕೆ ಬಂತು. ಅಂತೂ-ಇಂತೂ ಬಹುನಿರೀಕ್ಷಿತವಾಗಿದ್ದ ಅವರ

ಅಂತರಾಷ್ಟ್ರೀಯ ಕ್ರಿಕೆಟ್ ಅರಂಗ್ರೇಟಂ ನಡೆದದ್ದು 1970-71 ರಲ್ಲಿ, ವೆಸ್ಟ್ ಇಂಡೀಸ್ ವಿರುದ್ಧ. ಅಂದು ಕ್ರಿಕೆಟ್ನಲ್ಲಿ ವಿಂಡೀಸ್ ಪ್ರಶ್ನಾತೀತರಾಗಿದ್ದರು. ಅವರ ಬೌಲಿಂಗ್ ದಾಳಿಗೆ ದೈತ್ಯರೇ ತತ್ತರಿಸುತ್ತಿದ್ದರು. ಇನ್ನು ಗವಾಸ್ಕರ್ಗೆ ಆಗ 22-23 ವರ್ಷ. ಹುಡುಗನಿಗೆ ಭಯ ಎಂಬುದೇ ಗೊತ್ತಿಲ್ಲ, ಸೋಲನ್ನು ಹೇಟ್ ಮಾಡುವ, ಅನಿಸಿದ್ದನ್ನು ಸಾಧಿಸುವ ಛಲವಂತ. ಆ ಟೆಸ್ಟ್ನ ಮೊದಲ ಇನ್ನಿಂಗ್ಸ್ನಲ್ಲಿ ಹುಡುಗ ಕುದುರಿಕೊಳ್ಳುವ ಹೊತ್ತಿಗೇ ಡಕ್ ಔಟು! ಎಲ್ಲರೂ ನಗಾಡಿದರು. ಗವಾಸ್ಕರ್ ಎದೆಗುಂದಲಿಲ್ಲ. ಆ ಟೆಸ್ಟ್ನ ನಂತರದ ಎರು ಇನ್ನಿಂಗ್ಸ್ಗಳಲ್ಲೂ ಸೆಂಚುರಿ ಬಾರಿಸಿ ಪಂದ್ಯ ಭಾರತದ ಪಾಲಾಗುವಂತೆ ನೋಡಿಕೊಂಡ. ಗವಾಸ್ಕರ್ನ ಅಪ್ರತಿಮ ಆಟದಿಂದ ಭಾರತ ಮೊದಲ ಬಾರಿಗೆ ವಿಂಡೀಸ್ ನೆಲದಲ್ಲಿ ಟೆಸ್ಟ್ ಸರಣಿ ವಿಜಯ ದಾಖಲಿಸಿತು. ಗವಾಸ್ಕರ್ ಬೆಳಗಾಗುವುದರೊಳಗೆ ಮನೆಮಾತಾಗಿಬಿಟ್ಟ. ಅದೇ ವರ್ಷದ ಇಂಗ್ಲೆಂಡ್ ವಿರುದ್ಧದ ಮತ್ತೊಂದು ಐತಿಹಾಸಿಕ ಸರಣಿ ವಿಜಯದ ನಂತರ ಗವಾಸ್ಕರ್ ಮೇಲೆ ಒತ್ತಡ ಹೆಚ್ಚಾಗಿ ಅದನ್ನವರು ಸರಿದೂಗಿಸಲು ವಿಫಲರಾದರು. ನಂತರ ತಮ್ಮ ಕೆರಿಯರ್ನಲ್ಲಿ ಅನೇಕ

ಏಳು-ಬೀಳುಗಳನ್ನು ಕಂಡರೂ ಒಟ್ಟಾರೆ ಅವರ 17 ವರ್ಷಗಳ ಕ್ರಿಕೆಟಿಂಗ್ ಕೆರಿಯರ್ ಗ್ರಾಫ್ ಅತ್ಯಮೋಘ. ಅವರು ಮಾಡದ ದಾಖಲೆಗಳಿಲ್ಲ. ಟೆಸ್ಟ್ ಇತಿಹಾಸದಲ್ಲಿ 10,000 ರನ್ ಶೇಖರಿಸಿದ ವಿಶ್ವದ ಮೊದಲ ಆಟಗಾರ. ಇದಲ್ಲದೆ ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು - 34 ಸೆಂಚುರಿಗಳನ್ನು ದಾಖಲಿಸಿದ ಮಹಾವೀರ. ಒಂದೇ ಎರಡೇ, ಅನೇಕ ದಾಖಲೆಗಳು. ತಲೆಗೆ ಹೆಲ್ಮೆಟ್ಟೇ ಇಲ್ಲದ ಆ ಕಾಲದಲ್ಲಿ ಇದೆಲ್ಲವೂ ದುಸ್ಸಾಧ್ಯವೆನಿಸಿತ್ತೇ ಸರಿ..ಆದರೆ ಅದೆಲ್ಲವೂ ಗವಾಸ್ಕರ್ಗೆ ಅನ್ವಯಿಸುತ್ತಿರಲಿಲ್ಲ.

ಗವಾಸ್ಕರ್ ಭಾರತ ಕ್ರಿಕೆಟ್ ಕಂಡ ಅತ್ಯುತ್ತಮ ನಾಯಕರಲ್ಲೊಬ್ಬ. ಅನೇಕ ಬಾರಿ ಆತ ಭಾರತ ಕ್ರಿಕೆಟ್ ತಂಡದ ನಾಯಕತ್ವ ವಹಿಸಿಕೊಂಡದ್ದಿದೆ. ಆತನ ನಾಯಕತ್ವದಲ್ಲಿ ಭಾರತದ ಪ್ರದರ್ಶನ ಅತ್ಯುತ್ತಮವಾಗಿತ್ತು. ಗವಾಸ್ಕರ್ ತನ್ನ ಟೀಮಿನಲ್ಲಿ ಗೆಲ್ಲುವ ಆರದ ಕಿಚ್ಚನ್ನು ಹಚ್ಚುತ್ತಿದ್ದ. ಆತ ಸೋಲನ್ನು ದ್ವೇಷಿಸುತ್ತಿದ್ದ. ಆತ ಅತ್ಯದ್ಭುತ ಮೋಟಿವೇಟರ್. ಆತ ಹಚ್ಚಿಸಿದ ಕಿಚ್ಚಿನಿಂದ ಆವೃತರಾದ ಆಟಗಾರರು ಕ್ರೀಡಾಂಗಣದಲ್ಲಿ ಹುಲಿಗಳಂತೆ ಹೋರಾಡುತ್ತಿದ್ದರು. ಗೆಲುವು ಅ

ಲವಟಾಯಿತು. ತಂಡ ಮೈಮರೆಯಿತು, ಗೆಲುವು ಮರೀಚಿಕೆಯಾಯಿತು, ಬಿಸಿಸಿಐ ಛಾಟಿ ಬೀಸಿತು. ಅಷ್ಟರಲ್ಲಿ ಭಾರತ ಕ್ರಿಕೆಟ್ ರಂಗದಲ್ಲಿ ಬಿರುಗಾಳಿಯೆಬ್ಬಿಸಿದ್ದನೊಬ್ಬ 23 ವರ್ಷದ ಪೋರ. ಆತನೇ ಕಪಿಲ್ ದೇವ್! ಬಿಸಿಸಿಐ ಗವಾಸ್ಕರ್ರನ್ನು ನಾಯಕತ್ವದಿಂದ ಕೆಳಗಿಳಿಸಿ ಗವಾಸ್ಕರ್ಗಿಂತಲೂ ಬಹುವರ್ಷ ಜೂನಿಯರ್ ಆಗಿದ್ದ ಕಪಿಲ್ರನ್ನು ಪದವಿಗೆ ತಂದಿತು. ಅಲ್ಲಿಂದ ಶುರುವಾಯಿತು ಮ್ಯೂಸಿಕಲ್ ಛೇರ್! ಕಪಿಲ್ನಡಿಯಲ್ಲಿ ಸೋತರೆ, ಮುಂದಿನ

ಮುಂದೆ 1987ರಲ್ಲಿ 17 ವರ್ಷಗಳ ತೃಪ್ತಿಕರ ವೃತ್ತಿಜೀವನದ ನಂತರ ಗವಾಸ್ಕರ್ ನಿವೃತ್ತರಾದರು. ಗವಾ

ಸ್ಕರ್ ಒಬ್ಬ ಕ್ರಿಕೆಟಿಂಗ್ ಲೆಜೆಂಡ್. ಆದರೂ ಅವರನ್ನು ಅನೇಕ ವಿವಾದಗಳು ಬೆನ್ನತ್ತಿ ಕಾಡಿದವು. ಗವಾಸ್ಕರ್ ಮೊದಲಿಂದಲೂ ನೇರ, ನಿಷ್ಠುರಿ. ಅನ್ಯಾಯ ಸಹಿಸಿ ಮೂಕನಾಗಿರುವ ಜಾಯಮಾನದವರಲ್ಲ ಅವರು. ಅವರ ಜೊತೆ ಅವರ ಕೋಪವೂ ದಂತಕಥೆಯ ಪ್ರಮಾಣಗಳನ್ನು ಪಡೆದುಕೊಂಡಿದೆ. ಅವರಿಗೆ ಸದಾ ಮೂಗಿನ ಮೇಲೆಯೇ ಕೋಪ - ದೂರ್ವಾಸ ಮುನಿ. ಅದರ ಒಂದು ಸ್ಯಾಂಪಲ್ಲು ಇಲ್ಲಿದೆ ನೊಡಿ - 1980ರ ಆಸ್ಟ್ರೇಲಿಯಾ ಸರಣಿಯಲ್ಲಿ ಅವರು ಫಾರ್ಮ್ ಕಳಕೊಂಡಿದ್ದರು. ಆದರೆ ಮೇಲ್ಬೌರ್ನ್ ಟೆಸ್ಟ್ನಲ್ಲಿ ಉತ್ತಮವಾಗಿ ಆಡುತ್ತಿದ್ದಾಗ ಡೆನ್ನಿಸ್ ಲಿಲಿರವರ ಬೌಲಿಂಗ್ನಲ್ಲಿ ಎಲ್ಬಿಡಬ್ಲ್ಯೂ ಎಂದು ಅಂಪೈರ್ ತಪ್ಪಾಗಿ ತೀರ್ಪಿತ್ತರು. ಇದನ್ನು ಗವಾಸ್ಕರ್ ಪ್ರತಿಭಟಿಸಿದರು. ಲಿಲಿಯೂ ಸೇರಿದಂತೆ ಅನೇಕ ಆಸ್ಟ್ರೇಲಿಯನ್ ಆಟಗಾರರು ಗವಾಸ್ಕರ್ರನ್ನು ಕ್ರೀಡಾಂಗಣದಲ್ಲೇ ಹೀಯಾಳಿಸಿದರು. ಕುಪಿತಗೊಂಡ ಗವಾಸ್ಕರ್ ಸ್ಫೋಠಗೊಂಡರು. ಜೊತೆ ಆಟಗಾರ ಚೇತನ್ ಛೌಹಾಣ್ರನ್ನು ಎಳೆದುಕೊಂಡು ಪೆವಿಲಿಯನ್ನತ್ತ ಹೊರಳಿದರು. ಮ್ಯಾಚನ್ನು ಬಿಟ್ಟುಕೊಡಲು ಅವರು ನಿರ್ಧರಿಸಿದ್ದರು. ಆದರೆ ತಂಡದ ಮ್ಯಾನೇಜರ್ರ ಸಮಯೋಚಿತ ವರ್ತನೆಯಿಂದ ಇದು ತಪ್ಪಿತು. ದಟ್ ಈಸ್ ಗವಾಸ್ಕರ್! ತನಗನಿಸದ್ದನ್ನು ಮಾಡಲು ಹಿಂಜರಿಯದವ, ಆದರೆ ಅತ್ಯಂತ ಸಭ್ಯ, ಜೆಂಟಲ್ಮ್ಯಾನ್. ವೃತ್ತಿಪರತೆ ಅವರ ರಕ್ತಗಂಟಿದ ಗುಣ. ಅವರು ತಮ್ಮ ಕಡೆಯ ಪಂದ್ಯದವರೆಗೂ ಅಷ್ಟೆ, ಅವರು ಫೀಲ್ಡಿಗಿಳಿಯುವ ಮೊದಲು, 15 ನಿಮಿಷಗಳು ತಮ್ಮ ಮತಿಯೆನ್ನೆಲ್ಲವನೂ ಆಟದ ಮೇಲೆ ಕೇಂದ್ರೀಕರಿಸುತ್ತಿದ್ದರು. ಆಗ ಅವರನ್ನು ಯಾರೂ ಸಹ ಮಾತನಾಡಿಸುತ್ತಿರಲಿಲ್ಲ. ವೃತ್ತಿಪರತೆಯೆಂದರೆ ಅದು. ಅವರ ಬ್ಯಾಟಿಂಗ್ ಎಮದಿಗಾದರೂ ನೋಡಲೇ ಒಂದು ಸೊಗಸು, ಅದು ಕಲಾತ್ಮಕವಾಗಿಯೂ, ಕುಶಲವಾಗಿಯೂ ಇರುತ್ತಿತ್ತು. ಕರ್ನಾಟಕದ ಗುಂಡಪ್ಪ ವಿಶ್ವನಾಥ್ ಮತ್ತು ಅವರ ಓಪನರ್ಸ್ ಜೋಡಿಯದೂ ಒಂದು ದಂತಕಥೆಯೇ. ಗುಂಡಪ್ಪನವರ ಕಾವ್ಯಾತ್ಮಕ ಬ್ಯಾಟಿಂಗ್ ಮತ್ತು ಗವಾಸ್ಕರ್ರ ಕುಶಲಾತ್ಮಕ ಬ್ಯಾಟಿಂಗ್ ಜೊತೆಯಾದರೆ ಅಭಿಮಾನಿಗಳಿಗದು ರಸದೌತಣವೇ ಸರಿ. ಗವಾಸ್ಕರ್ ಮತ್ತು ಗುಂಡಪ್ಪ ವಿಶ್ವನಾಥ್ರ ಸ್ನೇಹ

ಇನ್ನು ಸಾಮಾನ್ಯವಾಗಿ ಗವಾಸ್ಕರ್ ವಿರುದ್ಧ ಕೇಳಿ ಬರುವ ಆರೋಪವೆಂದರೆ, ಅವರು ತಮ್ಮ ವಯಕ್ತಿಕ ದಾಖಲೆಗಳಿಗೆ ಹೆಚ್ಚು ಮಹತ್ವ ಕೊಡುತ್ತಿದ್ದರೆಂಬುದು. ಸಾಮಾನ್ಯವಾಗಿ ಎಲ್ಲ ದಾಖಲೆ ವೀರರನ್ನೂ ಬೆನ್ನತ್ತುವ ಆರೋಪವೇ ಇದು. ಒಂದೊಮ್ಮೆ ಹಾಗಾಗಿದ್ದರೂ ಅವರ ಪ್ರತಿಭೆಯ ಮುಂದೆ ಇದೆಲ್ಲವೂ ಗೌಣವಾಗುತ್ತದೆ. ಭಾರತದ ಆಟಗಾರರಿಗೆ ವಯಕ್ತಿಕವಾಗಿ ಪ್ರಾಯೋಜಕರನ್ನು ಹುಡುಕಿಕೊಳ್ಳಬೇಕೆಂದು ಹೇಳಿಕೊಟ್ಟವರೇ ಗವಾಸ್ಕರ್. 1983ರ ವಿಮಡೀಸ್ ವಿರುದ್ಧದ ಪಂದ್ಯವೊಂದರಲ್ಲಿ ಬ್ಯಾಟಿಂಗ್ಗೆ ಹೋಗುವ ಮೊದಲು ತಮ್ಮ ಬ್ಯಾಟಿನ ಹಿಂಭಾಗದಲ್ಲಿ ಎಂಆರ್ಎಫ್ ಸ್ಟಿಕ್ಕರಂಟಿಸಿ ಎಲ್ಲರನ್ನೂ ಚಕಿತಗೊಳಿಸಿದರು. ಇದು ಆಟದ ವ್ಯಾಪಾರೀಕರಣ ಎಂದು ಎಲ್ಲರೂ ಟೀಕಿಸಿದರು. ಆದರೆ ಗವಸ್ಕರ್ ಇದಕ್ಕೆಲ್ಲಾ ಎಂದಿಗೂ ತಲೆಕೆಸಿಕೊಂಡವರೇ ಅಲ್ಲ. ಈ ಪರಿಪಾಠ ಇಂದು ಎಷ್ಟು ವ್ಯಾಪಕವಾಗಿದೆಯೆಂದು ಎಲ್ಲರೂ ಬಲ್ಲರು. ಸಚಿನ್ ಬ್ಯಾಟಿನ ಹಿಂಭಾಗದಲ್ಲಿ ಇಂದಿಗೂ ಎಂಆರೆಫ್ ಸ್ಟಿಕ್ಕರ್ ಇದ್ದೇ ಇರುತ್ತದೆ. ಅಂತರಾಷ್ಟ್ರೀಯ ಕ್ರಿಕೆಟಿಗನೊಬ್ಬನ ಕೆರಿಯರ್ ಕಾಲಾವಧಿ ಅತ್ಯಲ್ಪ. ನೂರು ವರ್ಷಗಳ ಜೀವನದಲ್ಲಿ ಕ್ರಿಕೆಟ್ ಕೇವಲ ಇಪ್ಪತ್ತು ವರ್ಷಗಳಿರುತ್ತದೆ ಅಷ್ಟೆ. ಆದ್ದರಿಂದ ಆತ ನಡೆಯುತ್ತಿದ್ದಾಗಲೇ ಜೀವನಕ್ಕಾಗುವಷ್ಟು ಹಣ ಸಂಪಾದಿಸಬೇಕೆಂಬುದು ಅವರ ವಾದ. ಎಷ್ಟು ಸತ್ಯವಲ್ಲವೇ? ಇನ್ನು ನಮ್ಮ ಕ್ರಿಕೆಟಿಗರು ತಮ್ಮ ನಿವೃತ್ತ ಜೀವನವನ್ನು ಹೇಗೆ ಕ್ರಮಬದ್ಧವಾಗಿ ಆಯೋಜಿಸಿಕೊಳ್ಳಬೇಕೆಂಬುದರಲ್ಲೂ ಗವಾಸ್ಕರ್ ಮತ್ತು ಕಪಿಲ್ ದೇವ್ ಇತರರಿಗೆ ಮಾದರಿ.

ಇಂತಿಪ್ಪ ಸುನೀಲ್ ಮನೋಹರ ಗವಾಸ್ಕರ್ 60 ವರ್ಷದ ಹೊಸ್ತಿಲನ್ನು ದಾಟಿದ್ದಾರೆ. ಅವರಿಗೆ ದೇವರು ಮತ್ತಷ್ಟು ಆರೋಗ್ಯ ಆಯಸ್ಸು ನೀಡಿ ಹರಸಲೆಂಬುದೇ ಅಭಿಮಾನಿಗಳೆಲ್ಲರ ಹಾರೈಕೆ...